EMAMAKI: 100
SIKHATSI: 2½ ema-awa
LIBANGA 12
LIPHEPHA LESITSATFU (P3)
Leliphepha lehlukaniswe tigaba letintsatfu:
SIGABA A: Indzaba 
Phendvula munye umbuto esigabeni A, munye esigabeni B, namunye esigabeni C.
Cala leso naleso sigaba ekhasini lelisha.
Hlela (Sib. libalavemcondvo, umdvwebo, ifuloshadi, njll.) uphindze uhlunge emaphutsa emisebentini wakho. Cala ngeluhlaka ngembikwekubhala indzaba.
Citsa lokungenani imizuzu lengema-80 esigabeni A, lengema-40 esigabeni B nale ngema-30 esigabeni C.
Tinombolo tetimphendvulo atihambisane naleto letisephepheni lemibuto njengobe tinjalo.
Nika leyo naleyo mphendvulo sihloko lesifanele.
CAPHELA: Sihloko asinganakwa nakubalwa linani lemagama.
Bhala ngebunono nangesandla lesifundzekako.
SIGABA A
UMBUTO 1
Bhala indzaba ngasinye saletihloko letilandzelako ibe ngemagama langabi ngaphasi kwalali-190 aphindze angabi ngetulu kwalangema-240.
Kukhona bantfu labahlasela bantfu labachamuka kulamanye emave ngobe batsi ababuyele emakubo. Uyavumelana yini wena naloku?
NOBE
Bhala indzaba uyicondzise kulesitfombe lesingentasi. Indzaba yakho yinike sihloko lesifanele.
NOBE
Bhala indzaba uchaze kutsi lemphumelelo yenteke njani.
NOBE
Buhle nebubi bekuphatsa bomakhalekhukhwini etikolweni.
NOBE
Tinkinga bantfu labasha labahlangabetana nato kulesikhatsi lesiphila kuso.
NOBE
Bhala indzaba uyicondzise kulokwenteka kulesitfombe lesingentasi. Indzaba yakho yiphe sihloko lesifanele.
NOBE
Thishela lowaba neligalelo emphilweni yami.
NOBE
SAMBA SIGABA A:
SIGABA B
UMBUTO 2
Khetsa kunye kulokulandzelako ubhale indzaba ibe ngemagama langabi ngaphasi kwalangema-80 aphindze angabi ngetulu kwalali-100.
UMLANDVOMPHILO
Litiko letekutfutsa likhiphe sikhangiso semsebenti wamabhalane. Kutsiwa lotawutfola lomsebenti kufanele akwati kwenta naku lokulandzelako:
Kubala emabhuku etimali.
Kushayela imoto.
Bhala umlandvomphilo wakho (i-CV) lotawufaka nesicelo salomsebenti.
NOBE
Umngani wakho ushelwe ngiko konkhe kwakhe engotini yemlilo loshise umuti wakubo. Mbhalele incwadzi umlilele ngalomonakalo.
NOBE
LUHLELO NEMAMINITHI EMHLANGANO
Ungumabhalane walabasha ecenjini lelitsite lepolitiki. Benibambe umhlangano welicembu wekulungiselela lukhetfo lolutako. Bhala luhlelo nemaminithi alomhlangano.
NOBE
INKHULUMO
SAMBA SIGABA B:
SIGABA C
UMBUTO 3
Khetsa kunye kulokulandzelako ubhale indzaba ibe ngemagama langabi ngaphasi kwalangema-60 aphindze angabi ngetulu kwalangema-80.
TICONDZISO
Usebenta ka 'Firewise' lapho kufundziswa khona tindlela tekuvimba tingoti temlilo. Umenywe sikolo lesitsite kutsi utewufundzisa bafundzi. Bhala ticondziso lotabashiyela tona ngetindlela tekuvikela umlilo.
NOBE
LIKHADI LESIMEMO
Bewungenele umncintiswano we-Comrades Marathon waphumelela waba wekucala. Uzuze imendlela yeligolide nemali lengu-R100 000. Ufuna kwenta lidzili lekubonga lenhlanhla. Bhala likhadi lesimemo umeme bangani bakho kutsi bete batekusingatsa.
NOBE
IPHOSTA
Edolobheni langakini kutsiwa kutawuntjintjwa emagama etitaladi. Nine njengemmmango anihambisani nalesincumo njengobe ningakatsintfwa kute nivete imibono yenu ngalesincumo. Nihlele umshuco lapho niyovakalisa khona kungahambisani kwenu nalendzaba. Bhala iphosta lotayiphatsa kulomshuco kuvakalisa luvo lwakho.
SAMBA SIGABA C:
SAMBA:
